মোৰ
দুচকুৰ বিষণ্ণতাৰ
কজলা
ডাৱৰখিনি
তুমি
তোমাৰ দুচকুত বাকি ল’লা ।
তোমাৰ দুওঁঠৰ বাঁহীত
মোৰ শূণ্যতাৰ অনুৰণন ।
নৈখনে আজি আকাশ চুমাৰ কথা আছিল ।
শেলুৱৈ
গঁজা শিলত এটি জীৱনে উচুপাৰ কথা আছিল
আঙুলিৰ
ফাঁকেৰে
এন্ধাৰবোৰ সৰকি যোৱাৰ কথা আছিল ।
এন্ধাৰবোৰ সৰকি যোৱাৰ কথা আছিল ।
কথা
নাছিল -
প্ৰতিটো
সন্ধিয়াৰ হেঙুলীয়াখিনি পি পি
মোৰ
বাবে অপেক্ষা কৰাৰ কথা নাছিল ।
মৰহিব
খোজা হালধীয়া সপোনবোৰক
তুলি
-তালি সেউজীয়া কৰি
মোৰ
বুকুত ৰোৱাৰ কথা নাছিল ।
যি বাটেৰে তুমি মোৰ বুকুৰ মৰিশালিলৈ আহি আছা
No comments:
Post a Comment