Thursday, 24 November 2016

শ্ৰমিক


এটি ৰৌদ্ৰদগ্ধ শৰীৰ ,
এটা ক্লান্ত মন,
সুৰুঙাবিহীন কৰ্মব্যস্ততা,এটা পৰাধীন জীৱন ।
কাৰণ –
তেওঁলোক যে শ্ৰমিক ।

স্বাধীনতাৰ তৃষ্ণাত আতুৰ ,
বোজাৰ ভৰত কাতৰ তেওঁলোকৰ শৰীৰ ।

এমুঠি অন্ন,এটি আশ্ৰয় কিম্বা
পৰিয়ালৰ চাৰিবেৰত ওলোমাব খোজা
এটি হাঁহিৰ আশাত
বন্দী,
তেওঁলোকৰ দুহাত ।

তেওঁলোকৰ দুহাতেৰে বাগৰে
কেঁচা তেজৰ সোঁত ,
য’ত বিৰিঙি উঠে জীৱনৰ দুখৰ দলিল ।
দুহালি চকুৰে পাৰভাঙি বৈ আহে
আৱেগৰ লোতক ,
য’ত লুকাই থাকে হেৰুওৱাৰ যাতনা ।

এৰা...
সময়ৰ আগত বশ্যতা স্বীকাৰ কৰা
এওঁলোকেই হ’ল শ্ৰমিক ।

No comments:

Post a Comment